ஆவாரம்பூ!

Tuesday, June 16, 2026

அறிவு..

அறிவு

___________

சோத்தைத்தானே

திங்குற

அறிவில்லை..

என்கிறார்களே

சோறுண்டால்

அறிவு வளருமா?..

கோடுகள்...

கோடுகள் ..

_____________

ஊர்களின் வாசல்களில் பலவண்ணங்களில்

வரைந்து வைத்த

குறுக்குக்கோடுகள்

வாகன ஓட்டுநர்களின்

உறக்கம் கலைக்கவா?

வாகன பாகங்களின்

உறுதி குலைக்கவா...

Sunday, August 31, 2025

போரற்ற உலகு

கந்தளான உடை

ஏவுகணை சிதறல்களால்

கன்னங்களில்

கசியும் குருதியுடன்

தட்டேந்தி உணவுக்காய்

இறஞ்ச்சி நிற்கும் குழந்தைகள் கண்களுக்குள் வந்து

கதற வைக்கிறார்கள்

மின்னல் ஒளியில் வரைந்து வைத்த ஓவியமாய்

விண்ணுயிர்ந்து நின்ற

கான்கிரீட் மாளிகைகள்

குப்பையான கொடூரம்

பாலை வனமெங்கும்

மரணக் குரல்கள்

பசியால் தாகத்தால்

பிஞ்சுகளின் கதறல்கள்

அதிகாரப் பெரு அரிப்பால் பிள்ளைக்கறி தின்றேனும் எல்லைகளை விரிவாக்க

எத்தனை கொலைகள்

எத்தனை பேரழிவுகள்

மனித ரத்தம் குடித்தேனும்

மன்னாளும் பேராசை

பிணம் தின்னி கழுகுகளாய்

மாறும் பேரவலம்

ஆதிக்க வல்லூர்களின் அடியாள்களாய் மாறி

முகவரி தந்தோரை

முதுகில் குத்தும்

துரோக வடிவான

யூதாஸாக

இஸ்ரேலின் நிதன்யாகூ

ஆரிய பாசிச தேடலில் அனாதையானவர்களுக்கு

நிலம் தந்து ஆதரித்தவர்களை நிர்மூலமாக்க துடிப்பது தான்

யூத தந்திரம் எனில்_

ஹிட்லர் தேடி அடித்தது சரிஎன்றாகாதா

இனி ஒரு முறை

அகதியானால்

உம்மை திரும்பிப் பார்க்க உலகில் நாதி இருக்காது

ஈவிறக்கமற்ற உங்கள்

நரவேட்டைதடுக்க

ஈரான் தலையிட்டது வடகொரியாவும் சீனாவும் வருவோம் என்றது

மோதிப் பார்த்து நிலை உணர்ந்து சமரசம் என்றது அமெரிக்கா

இருந்தென்ன இருபுறமும் மரண ஓலம்தானே

அதிகாரத் திமிராலும்

அடிமை புத்தியாலும் ஆள்வோர் அளவு மீரலுக்கு அணை போட கூடுவோம்

இலங்கை அனுபவம்

எதிரே இருக்கு

உலக மக்கள்

உறவு நமக்கு .வா

போரற்ற உலகை

பொதுமை செய்வோம்...

Saturday, April 12, 2025

கவிதை

சன்னல் இருக்கை

__________________________

வைக்கோல் போருக்கு

கால்கள் முளைத்ததுபோல

ஊர்ந்து வரும்பேருந்தை

தேரென வியந்த

பாலப்பருவமது

பேருந்து பயணம்

பெருங் கனவாய்

வந்து போகும்

சன்னலில் முகம் பதித்து

மனதை வெளியே விட்டு

வெறிப்பதை விட வேறென்ன...

தலையை வெளியே காட்டாதே

தந்தையின் எச்சரிக்கை

கையை வெளிக்காட்டுவது யார்

ஓட்டுனர் குரல் -ஓடிவரும்

எந்த குரல்களையும்

காது வழி நுழையாமல்

காற்றள்ளிப் போகும்

காற்று வந்து மல்லுக்கட்டும்

முகமறைந்து சினம் காட்டும்

இருந்தென்ன

காற்றுக்குள் நுழைந்து

கரைந்து விட

மனசெல்லாம்

மலர்ந்து விரியும்

பனை மரம் வேப்பமரம்

வயல் வரப்பு என

என்னைத் தவிர அனைத்தும்

பின்னோக்கி ஓடி

கண்ணாமூச்சி ஆடும்

நெஞ்சத்தில் துள்ளளாடும்

நினைவுகளை கிளறிவிட்டு

ஆர்வம் கண்களில் ஊர

சன்னலோரம் பார்த்தேன்

அண்டை அயலார் மறந்து

அலைபேசி திரைக்குள்

புதைந்தபடி பயணிக்கும்

ஒரு பாலப் பருவத்தினன்...

_மங்கலக்குடி நா.கலையரசன்_

ஆவாரம்பூ

அரிதாரம் கலைந்தது

___________________________

பாசிசத்தால் நெய்யப்பட்ட

இந்துத்துவ அரசியலை

தரித்துக்கொண்டு

அலையும் போதும்...

ராஜா வேஷம் போட்டு

காவித் துணி மிளிர

ராம நாமம் பாடி

இந்து தேசம் இதுவென

எகிரிப் பேசித்திரிந்த போதும்..

இல்லாரும் உடையாரும்

இல்லாத ராஜ்ஜியமே

இந்து ராஜ்யம் என

கனவை விதைத்து

அதிகாரம் வந்ததும்

குடிமக்கள் வாழ்க்கையை

குதறிப் போட்ட போதும்...

குஜராத்தின் குடிமக்களையே

கொன்று குறுதினக்கி குடித்து

கைகட்டி ரசித்த போதும்...

இந்து மத பாசம்

அரியணைக்காண வேஷம் .என

வரலாற்றுப் பொய்களை

அம்பலப்படுத்தி எதிர்த்தோரை

அடக்கியும் .அழித்த போதும்...

ஏழு சகோதரிகளில்

இளைய சகோதரியாம்

மணிப்பூர் மலை மக்களை

நர வேட்டையாடியபொதும்...

நாலு பேருக்கு நாட்டை விற்று

நட்டாற்றில் இந்துக்களை தள்ளி

நாக்பூருக்கு சேவை செய்து

நத்தி பிழைத்த போதும்...

நினைத்துப் பார்த்தீரா

உம்மையும்

இந்து மதம் தந்த

சூத்திர பட்டம்

துரத்தி வரும் என்று...

_மங்கலக்குடிநா.கலையரசன்_

Show quoted text