நான் யார் உனக்கு

மரபணு  தொடர்பற்ற  
நமக்கு  நடுவே  
உறவு  துளிர்  விட்டது  

 கீதை  வழி நின்று  
பலன்  எதிர்பாராதுன்  
குடும்பம்  சுற்றி  வந்தேன் 

 உறவுமுன்  பெருமை  காட்ட  
கையாளிட்ட  வேலையை 
வாயால்  செய்து  வந்தேன் 
கெட்டிக்காரன்  என்றாய்  

கொழுப்பை  குறைக்க  நீ 
ஊரை  சுற்றி  வந்த   போது
உடன் நடந்து களைத்தேன்
பாசக்காரன்  என்றாய் 


இரவு  பகலின்றி  
பனிமலை  வெயிலில்  
வாசலில்  தங்கி 
வீட்டையே  காத்தேன் 
விசுவாசி  என்றாய்  


கண்ணயர்ந்த  வேளையில்
கன்னமிட  வந்தவரை 
சத்தமிட்டு  கதறி 
இரத்தம்  தந்து  தடுத்தேன் 
நன்றி  எனில்  நான் என்றாய் 


ரணம் தந்த  விசனத்தில் 
துடித்துப்போன  எனக்கு 
காயம் உலர்த்தாமல் 
கழற்றிவிட  துணிந்தாய்


எதையும்  தாங்கிட  
மனிதனா.....?  நான் 
பாய்ந்தேன்  உன்  மீதே 
இப்போது  என்னை 
வெறி நாய்  என்கிறாய்  ..